കുട്ടികൾ നടത്തിയ സെമിനാർ

വിഷയം അവതരിപ്പിക്കുന്ന വിദ്യാർത്ഥി

കേരളത്തിലെ ഭൂവിനിയോഗവും ഭക്ഷ്യസുരക്ഷയും എന്ന വിഷയത്തെ പറ്റി 7ആം ക്ലാസുകളിൽ സെമിനാർ നടന്നു. കുട്ടികൾ തന്നെയാണ് മോഡറേറ്റർ മാരായത്. VII-A ക്ലാസിൽ ഹിമയും, VII-B ക്ലാസിൽ മുബഷീറ കെ.വി.യും മോഡറേറ്റർമാരായി.സാമൂഹ്യപാഠത്തിലെ പാഠവുമായി ബന്ധപ്പെട്ടാണ് സെമിന്നാർ നടന്നത്‌.

രസതന്ത്ര വർഷാരംഭവും ശാസ്ത്രക്ലബ്‌ ഉദ്ഘാടനവും

ഉദ്ഘാടനം ചെയ്യുന്നു.

കൃഷിപതിപ്പ്‌ പ്രകാശനം ചെയ്യുന്ന ദിനേശൻ മാസ്റ്റർ

കുട്ടികൾ തയ്യാറാക്കിയ പതിപ്പുകൾ

തൃക്കണാപുരംS.S.U.P സ്കൂളിലെ ശാസ്ത്രക്ലബ്ബ്‌ ഉദ്ഘാടനം മാഡം ക്യൂറിയുടെ ചരമദിനമായ ജുലായ്‌ 4ന് ഹെഡ്മിസ്ട്രസ്‌  ശ്രീമതി K.U ശാന്തകുമാരി ടീച്ചർ നിർവ്വഹിച്ചു. പഠനപ്രവർത്തനത്തിന്റെ ഭാഗമായി കുട്ടികൾ തയ്യാറാക്കിയ കാർഷിക പതിപ്പിന്റെ പ്രകാശനം S.S ദിനേശ് നിർവ്വഹിച്ചു. അന്താരാഷ്ട്ര വനവർഷം, രസതന്ത്ര വർഷം എന്നിവയുടെ ഭാഗമായി തയ്യാറാക്കിയ ചുവർപ്പത്രികകളുടെ പ്രകാശനവും മാഡം ക്യൂറി അനുസ്മരണവും നടന്നു.

വിദ്യാരംഗം കലാസാഹിത്യ വേദി ഉദ്ഘാടനം

സ്വാഗതം പറയുന്ന സുനിത ടീച്ചർ

കുട്ടികളുടെ കൂടെ പാട്ടുപാടുന്ന രാമകൃഷണൻ മാസ്റ്റർ

തൃക്കണാപുരം എസ്‌.എസ്‌.യു.പി.സ്കൂളിലെ വിദ്യാരംഗം കലാസാഹിത്യവേദിയുടെ ഉദ്ഘാടനം ശ്രീ വി.വി. രാമകൃഷ്ണൻ മാസ്റ്റർ നിർവ്വഹിച്ചു. ഹെഡ്മിസ്റ്റ്രസ്സ്‌ ശ്രീമതി കെ.യു ശാന്തകുമാരി അധ്യക്ഷത വഹിച്ച യോഗത്തിൽ വിദ്യാരംഗം കൺവീനർ ശ്രീമതി സുനിത സ്വാഗതമാശംസിച്ചു. യോഗത്തിൽ വിവിധ ഭാഷാക്ലബ്ബുകളുടെ ഉദ്ഘാടനം പി.ടി.എ പ്രസിഡന്റ്‌ ശ്രീ സുനിൽ കുമാർ നിർവ്വഹിച്ചു. തുടർന്ന് മാധവിക്കുട്ടിയുടെ "ബാല്യകാലസ്മരണകൾ" എന്ന പുസ്തകത്തെ പരിചയപ്പെടുത്തി കെ.വി മുബഷീറ സംസാരിച്ചു. ഹിമ.പി, ജിജില.കെ. എന്നിവരുടെ കവിതാലാപനവും ഉണ്ടായിരുന്നു. കൺ വീനർ ഗായത്രി നന്ദി രേഖപ്പെടുത്തി.