മഴക്കാലമെത്തി ജാഗ്രത....................

 ക്ലാസ് വീക്ഷിക്കുന്ന കുട്ടികൾ

ത്രിക്കണാപുരം എസ് എസ് യു പി സ്കൂളിൽ സയൻസ് ക്ലബ്ബിന്റേയും പരിസ്ഥിതി ക്ലബ്ബിന്റേയും ആഭിമുഖ്യത്തിൽ സംഘറ്റിപ്പിച്ച ആരോഗ്യ ബോധവത്കരണ ക്ലാസ് പ്രധാനാധ്യാപിക ശ്രീമതി കെ. യു. ശാന്തകുമാരി ഉദ്ഘാടനം ചെയ്തു. തുടർന്ന് “ പകർച്ചവ്യാധികളും പ്രതിവിധിയും” എന്ന വിഷയത്തെക്കുറിച്ച് തവനൂർ പി. എച്ച്. സി യിലെ ഹെൽത്ത് ഇൻസ്പെക്ടർ ശ്രീമൻ ഷാജി ക്ലാസെടുത്തു. ശ്രീമതി രുഗ്മിണീ ഭായ്  നന്ദി പറഞ്ഞു

വായനയുടെ ലോകത്തേക്ക് സ്നേഹപൂർവം

                                                      പുസ്തക പ്രദർശനം കാണാൻ തിരക്ക് കൂട്ടുന്ന വിദ്യാർത്ഥികൾ

          വായനയുടെ വസന്തം പൂത്തുലയുന്ന ഒരു വായനാ വാരം കൂടി! വരകളും വാക്കുകളും തീർക്കുന്ന വായനയുടെ വിസ്തൄത ലോകത്തേക്ക്ഒരാഴ്ചക്കാലം.

           തൄക്കണാപുരം  S.S.U.P സ്കൂളിലെ ഈ വർഷത്തെ വായനാവാരം പ്രൌഢഗംഭീരമായിത്തന്നെ തുടങ്ങി. രാവിലെ കുട്ടികൾ വായനാദിന പ്രതിജ്ഞ എടുത്തു. തുടർന്ന് വിദ്യാലയത്തിലെ ലൈബ്രറിയിലെ പുസ്തക പ്രദർശനം നടന്നു. തുടർന്നുള്ള ദിവസങ്ങളിൽ പുസ്തക പരിചായനം, എഴുത്തുകാരെ പരിചയപ്പെടൽ, ക്വിസ് മത്സരം എന്നിവയും നടത്തി.

പരിസ്ഥിതിദിനാചരണം

തൃക്കണാപുരം എസ്.എസ്.യു.പി.സ്കൂളിലെ പരിസ്ഥിതിദിനാചരണം വാർഡ് മെമ്പർ ശ്രീ മാനു അവർ കൾ സ്കൂൾ പരിസരത്ത് ഒരു മരം നട്ട് നിർവഹിച്ചു. തുടർന്ന് ക്ളാസുകളിൽ പരിസ്ഥിതി ദിന പ്രതിജ്ഞ എടുത്തു. തുടർന്ന് ക്ളാസടിസ്ഥാനത്തിൽ കൊളാഷ് നിർമ്മാണം നടന്നു. തുടർന്ന് പരിസ്ഥിതി സാമൂഹ്യ ശാസ്ത്ര ക്ളബ്ബുകളുടെ സംയുക്താഭിമുഖ്യത്തിൽ പരിസ്ഥിതിദിന ക്വിസ്സ് നടത്തി. അതിൽ വിജയിച്ച കുട്ടികൾക്ക് പ്രോൽസാഹന സമ്മനവിതരണവും നടന്നു.  

Add caption

പ്രവേശനോൽസവം 2011-2012

തൃക്കണാപുരം എസ്.എസ്.യു.പി.സ്കൂളിലെ പ്രവേശനോൽസവം സ്കൂൾ മാനേജർ ശ്രീ കെ യു അച്യുതൻ നിർവഹിച്ചു. പ്രധാനാധ്യപിക അധ്യക്ഷത വഹിച്ചു. യോഗത്തിനു ശേഷം പുതുതായി വന്ന കുട്ടികൾക്ക് നോട്ട് പുസ്തകവും പേനയും , മധുരപലഹാരവും മാനേജർ വിതരണം ചെയ്തു. തുടർന്ന് കുട്ടികളുടെ കലാപരിപാടിയും നടന്നു.

പ്രവേശനോൽസവം 2011-12

മധ്യവേനലവധിയുടെ ആലസ്യത്തിൽ നിന്ന് പ്രതീക്ഷയുടെ പുതിയ പാഠങ്ങളുമായി വീണ്ടുമൊരു വിദ്യാലയ വർഷം. വിദ്യാലയത്തിനെ മൺസൂൺ മഴ നാരുകൾ കുരുത്തൊല ചാർത്തി അലങ്കരിച്ചു. അങ്കണോദ്യാനത്തിൽ പുത്തൻ വസ്ത്രങ്ങളും വർണ്ണക്കുടകളുമായി ബാല്യ കൌതുകങ്ങൾ നിറഞ്ഞു. മിഴികളിലെ അമ്പരപ്പ് മെല്ലെ ആകാംക്ഷകളും വിസ്മയങ്ങളുമായി മാറി. പുതിയ അധ്യാപകരേയും കൂട്ടുകാരേയും ലഭിച്ച സന്തോഷത്തിൽ ഒരു അധ്യയനവർഷം കൂടി.